ХБНГУ-ын нийслэл Берлин хотын Шарлит вирус судлалын хүрээлэнгийн захирал Кристиан Дростен коронавируст халдварын оргил үе одоо л эхэлж байгааг анхаарууллаа.

Түүний хэлж байгаагаар ойрын хэдэн сард коронавируст халдварын тохиолдол одоо байгаагаас ч нэмэгдэх аж.

“Цар тахал одоо л эхэлж байна. Зөвхөн манай улс ч гэлтгүй Европ тив даяар. Ирэх саруудад бид илүү уян хатан, байгаа оносон бодлого боловсруулах ёстой. Бид үнэхээр халдвар өвчинд, цар тахалд бэлэн үү гэдгээ одоо л шалгана” гэж Кристан Дростен ярьжээ.

Европын холбооноос тус тивд хоёр давлагаа эхэлснийг албан ёсоор зарлаад удаагүй байна. Роберт Кохын хүрээлэнгйин судалгаагаар зөвхөн өчигдөр л гэхэд Германд 2143 тохиолдол шинээр бүртгэгджээ.

Долоо хоног дөнгөж эхэлж байхад буюу өнгөрсөн мягмар гарагт 1821 шинэ тохиолдол бүртгэгдэж байсан бол лхагва гарагт 1769 тохиолдол бүртгэгдэж байсан юм.

Одоогоор ХБНГУ-д коронавирусний батлагдсан 278 мянган тохиолдол байгаагаас 9.4 мянган амиа алджээ.

Холбоотой нийтлэл

Дараах 11 байршилд авто замын талбайн ажил дуусаж, ашиглалтад хүлээн оруулах комисс ажиллуулахаар бэлтгэж байна.

Дараах 11 байршилд авто замын талбайн ажил дуусаж, ...

Аж нэгж байгууллагуудын дунд аян зарлаж байна